ქვემოთ მოცემულია ამისათვის აუცილებელი ინფორმაცია. გაეცანით და გაავრცელეთ!

- საპენსიო სქემიდან გასვლის უფლება აქვს ყველას, ვინც 2018 წლის 6 აგვისტოს (კანონის ამოქმედების თარიღზე) იყო 40 ან მეტი წლის.

- სქემიდან გასვლა შეიძლება მოხდეს მხოლოდ ორი (2) თვის მანძილზე - გაწევრიანების თარიღიდან არაუადრეს 3 და არაუგვიანეს 5 თვის ვადაში.

- გაწევრიანების თარიღად ითვლება დამსაქმებლის მიერ 2019 წლის 1 იანვრის შემდეგ პირველი დეკლარაციის დახურვის თარიღი.

- გაწევრიანების თარიღი მითითებული უნდა იყოს საპენსიო სააგენტოს ელექტრონულ სისტემაში თითოეული მონაწილის პირად ანგარიშში.

- პირადი ანგარიშის მომხმარებლის სახელი და პაროლი უნდა მიიღოთ დამსაქმებლისგან, რომელსაც ეს ინფორმაცია მიეწოდა საპენსიო სააგენტოს ელექტრონულ ბაზაში სავალდებულო რეგისტრაციის დროს.

- სქემიდან გასასვლელად, აუცილებელია, გამოცხადდეთ საპენსიო სააგენტოში ან სოციალური მომსახურების სააგენტოს ტერიტორიულ ორგანოებში შესაბამის 2-თვიან პერიოდში და შავსოთ განცხადება.

- თან უნდა იქონიოთ პირადობის მოწმობა, მეტი არაფერია საჭირო.

- ამჟამად, საპენსიო სააგენტოს ოფისი აქვს მხოლოდ თბილისში, მისამართზე: ნ. ყიფშიძის 7ბ.

- სოციალური მომსახურების სააგენტოს ტერიტორიული ორგანოების მისამართები შეგიძლიათ იხილოთ ვებ-გვერდზე: www.pensions.ge.

გაითვალისწინეთ, რომ თუ არ გახვალთ საპენსიო სქემიდან დადგენილ 2-თვიან ვადაში, ჩაითვლებით საპენსიო სქემის მუდმივ წევრად და დაკარგავთ შესაძლებლობას, მომავალში დააღწიოთ თავი ლეგალიზებული რეკეტის მარწუხებს."- წერს ბიბილაშვილი.

ცნობისთვის, დაგროვებითი საპენსიო რეფორმა 2019 წლის 1-ელი იანვრიდან ამოქმედდა და ყოველთვიურად დასაქმებულის ინდივიდუალურ საპენსიო ანგარიშზე მისი დაუბეგრავი ხელფასის 2% მიემართება. ორ-ორი პროცენტის შენატანს კი დამსაქმებელი და სახელმწიფო განახორციელებს. სქემაში მონაწილეობა 40 წლამდე დასაქმებული პირებისათვის სავალდებულოა, ხოლო 40 წლის ზემოთ ნებაყოფლობითი, ასევე ჩართულობა ნებაყოფლობითია თვითდასაქმებულებისათვის.

ასევე ცნობილია, რომ 2019 წლის 1-ელი აპრილიდან 31 მაისის ჩათვლით, საპენსიო რეფორმაში ჩართულ პირებს განცხადების საფუძველზე სისტემის დატოვება მხოლოდ ერთხელ შეეძლებათ.