სხვა ბრაზილიაში პოლიციელებმა ნარკომოვაჭრეების ხელშემწყობი თუთიყუში დააკვეს 2019, 26 აპრილი, 19:14 გამოცემა Guardian -ის მიერ გავრცელებულმა ინფორმაციამ მსოფლიო ყურადღება მიიპყრო.
ბრაზილიაში პოლიციელებმა, არც მეტი არ ნაკლები, დამნაშავეთა მთავარი ხელშემწყობი თუთიყუში დააკავეს, რომელიც ნარკომოვაჭრეების დახმარებას ცდილობდა.
23 აპრილს პოლიციელები, რომლებიც ორი ნარკომოვაჭრის ცხელ კვალზე დაკავებას ცდილობდნენ და ამ მიზნით ნარკომოვაჭრეთა სახლთან მივიდნენ, თუთიყუშმა შენიშნა... შენიშნა და პორტუგალიურად „დედა, პოლიცია!“ - ს გამუდმებული ძახილი დაიწყო. 
თუთიყუშის ნიშანს მაშინვე მიხვდნენ ნარკომოვაჭრეები და გაქცევა სცადეს, თუმცა პოლიციამ მათი დაკავება მაინც მოახერხა.
მათ სახლში ჩატარებული ჩხრეკის შედეგად სამართალდამცველებმა მარიხუანა და დიდი ოდენობით ნაღდი ფული ამოიღეს. სამართალდამცველებმა ნარკომოვაჭრეებთან ერთად თუთიყუშიც პოლიციის განყოფილებაში გადაიყვანეს. 
როგორც ჩანს თუთიყუშს პოლიციის მანქანებზე რეაგირება საკმაოდ კარგად აქვს შესწავლილი.
დაკავებული ბრალდებული (თუთიყუში) ადგილობრივ ზოოპარკში გადაიყვანეს.
176 შეფასება არ არის
|
  |
Intermedia.ge © 2011-2024 წელი
საავტორო უფლებები დაცულია
 |
