ნერვული ანორექსია არც კაპრიზი და არც გამოგონილი ამბავია, არამედ ერთ-ერთი ყველაზე საშიში და ამავდროულად ყველაზე გავრცელებული კვებითი დარღვევის ფსიქიკური აშლილობაა, რომელიც მრავალი ადამიანისთვის, ხანგრძლივი ტანჯვის შემდეგ ლეტალურად სრულდება. ითვლება რომ ანორექსიისკენ მიდრეკილი მხოლოდ ქალბატონები არიან, თუმცა რეალურად ეს ასე არ არის. ექსპერტები აღნიშნავენ, რომ ასევე მამაკაცებიც, თუმცა მცირე პროცენტული მაჩვენებლით, მაგრამ მაინც, ამ ვერაგი დაავადების პაციენტებად რჩებიან. მისი სახასიათო ნიშანი - წონის გარშემო აკვიატებული ფიქრები და საკვებზე მთლიანად უარის თქმაა, თუმცა მკვლევარების აზრით, ანორექსია კვებასთან კავშირში არ არის. ამ სენით დაავადებული ადამიანები საკვებზე უარის თქმით, თავიანთ ემოციურ პრობლემებთან გამკლავებას ცდილობენ, კონტროლის ქვეშ მოსაქცევად კი საკვები ყველაზე ხელმისაწვდომი ინსტრუმენტია. მოდით ვნახოთ ის ადამიანები, რომლებმაც ხანგრძლივი და მტკივნეული გზის გავლის მიუხედავად, მაინც შეძლეს, საკუთარ დემონებზე გამარჯვება და წონასთან ერთად, ოდესღაც დაკარგული ბედნიერების შეგრძნებისა და საღი აზრის დაბრუნება.