«ზოგჯერ თქმა სჯობს არა-თქმასა, ზოგჯერ თქმითაც დაშავდების».

შოთა რუსთაველი

მიხოხავდა გველი თავისი სოროსკენ, მიწაზე დაგდებულ ხერხს გამოედო და ტკივილი იგრძნო – თითქოს ვიღაცამ წაკბინა. ოდნავ დაჭრილი გველი უეცრად მიბრუნდა და ხერხს უკბინა. განრისხებულმა, კბენის დროს, პირი დაიზიანა.

ვერ მიხვდა გველი, რა ხდებოდა, – იფიქრა, ხერხი თავს დამესხაო და მისი დახრჩობა გადაწყვიტა. ის «მტერს» შემოეხვია და რაც ძალი და ღონი ჰქონდა, ხერხის შეკუმშვა სცადა.

შედეგად – გველი დაიღუპა.

მორალი: როდესაც ცხარედ ვრეაგირებთ სხვების ჩვენდამი უარყოფით დამოკიდებულებაზე, ამით, პირველ რიგში, საკუთარ თავს ვაყენებთ ზიანს, – სულ ტყუილად ვნერვიულობთ, დეპრესიაში ვვარდებით და აუტკივარ თავს ვიტკივებთ.

P. S. როგორც ამბობენ, «სადაც არა სჯობს, – გაცლა სჯობსო». თუ ნეგატივის თავიდან აცილება შეუძლებელია, – მისი იგნორირება, საუკეთესო გამოსავალია.