მსოფლიო მოდის მეფედ აღიარებული დიზაინერის კატა კვლავ მგლოვიარეა. მიუხედავად იმისა, რომ "მამიკოს" საყვარელი ფისუნია შუპეტი, მდიდარი მემკვიდრე ვერ გახდება, მის მიმართ ჟურნალისტების ყურადღება კვლავაც არ ცხრება.

მსოფლიო მოდის სფეროში ყველაზე ცნობილმა კატამ (უფრო კონკრეტულად კი, შემოქმედებითმა გუნდმა, რომელიც "ChoupettesDiary" - ის ბრენდის უკან დგას) გარდაცვლილი პატრონის ხსოვნისადმი მიძღვნილი, ახალი ლიმიტირებული კოლექცია - სახელწოდებით #RIPDaddy# გამოუშვა.

თუმცა, დამეთანხმებით ეს ყოველივე ცოტა არ იყოს და არასერიოზული იქნებოდა, რომ არა, ერთი საგულისხმო ფაქტი, ნივთების გაყიდვიდან შემოსული მთლიანი თანხა კალიფორნიის ცხოველთა გადარჩენის ფონდს მოხმარდება. შეგახსენებთ, რომ ლეგენდარული დიზაინერის საყვარელი კატა, ადრეც არაერთხელ გამხდარა მისი აქსესუარების მთავარი სახე.

ამჯერად კი, კოლექციისთვის ნამუშევრები ილუსტრატორმა მონიკა სმაილიმ შექმნა, რომელიც თავად მისი "უდიდებულესობა" შუპეტის, პირადი გვერდის ლოგოტიპის ავტორიცაა.