ფეხბურთი კიდევ ერთი თავის მოჭრა საქვეყნოდ: ანტალიაში ცხინვალის 5 ფეხბურთელი ქურდობისთვის დააკავეს 2019, 22 თებერვალი, 1:41 ანტალიაში ცხინვალის 5 ფეხბურთელი ქურდობისთვის დააკავეს
"ცხინვალი", რომელიც წინასასეზონო შეკრებას თურქეთში გადის, დიდ სკანდალში გაეხვია. turkiyegazetesi.com–ის ინფორმაციით, ქართული კლუბის 5 ფეხბურთელი სავაჭრო ცენტრში ქურდობისას დააკავეს. გამოცემა წერს, რომ საუბარია გიორგი ბ, კახა კ, პაპუნა მ, დათა ს. და გურამ მ. გამოცემის ცნობით, ქართველი ფეხბურთელები ანტალიის სავაჭრო ცენტრში, სპორტული აქსესუარების მაღაზიაში შევიდნენ. მაღაზიის დახურვის შემდეგ, კონსულტანტებმა აღმოაჩინეს, რომ მათ სპორტული ფეხსაცმელი, შორი, შარვალი და მსგავსი 9 ნივთი აკლდათ, რის შემდეგაც პოლიციას გამოუძახეს. ეს ამბავი თურქული დროით 17:45 საათზე მოხდა. სამართალდამცავებმა, ადგილზე ვიდეოკამერები შეამოწმეს, სადაც დაფიქსირებული იყო ავტომობილი, რომლითაც ბელეკიდან ანტალიაში გადაადგილდნენ ქართველი ფეხბურთელები და სწორედ ავტომანქანის ნომრების წყალობით შეძლეს ეჭვმიტანილების დაკავება. 148 შეფასება არ არის |
  |
Intermedia.ge © 2011-2024 წელი
საავტორო უფლებები დაცულია
 |
სურათი გამომიგზავნა მიუნხენიდან, სუპერმარკეტის შესასვლელში ქართულ ენაზე დაწერილი აბრაა-ნუ მოიპარავ, კამერებია ჩართული.
გული მომიკვდა, ქართველი მეფეები იერუსალიმში გაშლილი დროშით შედიოდნენ ახლა კი კრიმინალების გადამკიდე წესიერ ხალხსაც ექმნება პრობლემები ისრაელში მომლოცველებად ჩასულებსაც კი. :(
ქართველი კრიმინალების გადამკიდე სპორტსმენებზე ტყდება ჯოხი.
ასე, რომ მეტისმეტად ხმამაღალი განაცხადია: "კიდევ ერთი თავის მოჭრა საქვეყნოდ".
უდანაშაულობის პრეზუმციასაც არღვევთ სამწუხაროდ, ეყრდნობით თურქული პრესის მასალებს და არ ეცნობით ქართული საკონსულოს განცხადებას.