მიმდინარე წლის იანვრიდან გზავნილების გადასახადი „საქართველოს ფოსტაში“ 1 ლარის ნაცვლად 2 ლარს შეადგენს. ცვლილება ეხება სხვადასხვა საერთაშორისო ონლაინ მაღაზიებიდან გამოწერილ პროდუქციასაც.

გადასახადის გაორმაგებას სოციალურ ქსელში მოქალაქეთა აღშფოთება მოჰყვა. მათი თქმით, Aliexpress-იდან გამოწერილ ნივთებში ხშირად სამჯერ მეტის გადახდა მხოლოდ საფოსტო მომსახურებაში უწევთ, რაც უსამართლობაა.

მომხმარებლებს ტარიფის ცვლილების თაობაზე ინფორმაციას საქართველოს ფოსტის ფილიალებში აწვდიან.