ალბათ, თქვენც გაგიგიათ უამრავი მითი მეორე მსოფლიო ომზე და სტალინზე. ერთ-ერთი ასეთი არის ის, რომ სტალინს სძულდა ქართველები. რადგან მეორე მსოფლიო ომის განსაკუთრებით საშიშ საბრძოლო ოპერაციებში ქართველ ჯარისკაცებს სპეციალურად გზავნიდა და "საზარბაზნე ხორცად" იყენებდა. ერთ-ერთი ყველაზე მძიმე დანაკარგი ქართულმა დივიზიამ ქერჩის ბრძოლაში მიიღო. 1942 წლის მაისში, 10 დღიან ბრძოლაში, 224-ე ქართული დივიზია მთლიანად განადგურდა. დაიღუპა 85 000-ზე მეტი ქართველი, თუმცა აღსანიშნავია, რომ არც სხვა დივიზიებს ადგათ კარგი დღე. გავეცნოთ სტატისტიკურ მაჩვენებელს, სადაც დეტალურად წერია, თუ რომელმა რესპუბლიკამ რამდენი ადამიანი დაკარგა მეორე მსოფლიო ომში.

როგორც ირკვევა, საქართველომ მეორე მსოფლიო ომში 300 000 ადამიანი დაკარგა, საიდანაც დაახლოებით 240 000 იყო ქართველი. ყველაზე მეტი ადამიანი დაკარგა რუსეთმა, დაახლოებით 14 მილიონი. ასევე დიდი დანაკარგი ჰქონდა უკრაინასაც – 7 მილიონამდე და ბელარუსს, რომელმაც 2 მილიონზე მეტი ადამიანი დაკარგა. (დანაკარგში შედის როგორც სამხედრო, ისე სამოქალაქო პირებიც)

ცალკე საკითხია პროცენტული მაჩვენებელი. პროცენტული მაჩვენებლის მიხედვით ყველაზე დიდი დანაკარგი ბელარუსს აქვს, რომელმაც დაკარგა მოსახლეობის 25.3%, ანუ ყოველი მე-4 მოქალაქე. უკრაინამ დაკარგა მოსახლეობის 16, 3%, ლატვიამ 13.7%, სომხეთმა 13.6%, რუსეთმა 12, 7%, ლიტვამ 12, 7%, აზერბაიჯანმა 9, 1%, ხოლო საქართველომ 8, 3%.

საერთო ჯამში, საბჭოთა კავშირმა დაკარგა 26, 6 მილიონი ადამიანი, რაც მეორე მსოფლიო ომში ყველა ქვეყნის მიერ დაკარგული მოსახლეობის დაახლოებით 45%-ია