სურტსეი უნიკალური კუნძულია, იგი ერთადერთია, სადაც მეცნიერები პირველივე დღეებიდან დაკვირვებას აწარმოებენ. კუნძული თავიდან მთლიანად ვულკანური წარმოშობის პემზის ქვებისგან შედგებოდა და მეცნიერებს კარგი შესაძლებლობა მიეცათ, დააკვირდნენ, თუ როგორ წარმოიქმნება სიცოცხლე.

მათი თქმით, პირველი მიკროორგანიზმები აქ რამდენიმე საათის გასვლისთანავე გაჩნდნენ. თანდათან კუნძულზე წამოიზარდა მცენარეები, გამოჩნდნენ მწერები და ფრინველები.

ექსპერიმენტის ჩატარებისთვის კუნძულზე პირველივე დღეებიდან აიკრძალა უცხო პირთა შესვლა, რათა არ დაირღვეს კუნძულის ბუნებრივი განვითარება–ევოლუცია.