მეცნიერები ამტკიცებენ, რომ ორსულობა "გადამდებია"

სხვა

2018, 14 ნოემბერი, 14:11

სტატისტიკის მიხედვით, აშშ-ში ორსული ქალების რაოდენობამ პიკს (6.2 მილიონი) 2010 წელს მიაღწია. შეიძლება ეს ფაქტი ახალმა აღმოჩენამ ახსნას.

სტატიაში გაგაცნობთ მეცნიერულ კვლევას, რომელიც ამტკიცებს, რომ ორსულობა "გადამდებია".

2014 წელს ამერიკულმა ჟურნალმა The American Sociological Association-მა გამოაქვეყნა კვლევა, სადაც ნათქვამი იყო, მეცნიერები მივიდნენ იმ დასკვნამდე, რომ ორსულობა გადამდებია.

კვლევის განმავლობაში, რომელიც 10 წელიწადს ტარდებოდა (1990-იანებიდან 2000-იანებამდე), მკვლევარებმა 1720 ქალის ინფორმაცია გააანალიზეს და საინტერესო რამ აღმოაჩინეს: ექსპერიმენტის ბოლოს მონაწილე ქალების ნახევარზე მეტს ჰყავდა შვილი.

ინტერვიუების დროს ქალები საუბრობდნენ "მეგობრული კვანძის" ცნებაზე და სწორედ ეს აღმოჩნდა ორსულობის "გადადების" მიზეზი.

ადამიანი, როგორც წესი, გარემოს შესაბამისად იქცევა და გარშემო მყოფი ადამიანების ქცევებიც გავლენას ახდენს მის გადაწყვეტილებებზე.

ეს იმას ნიშნავს, რომ ორსული მეგობრის ნახვა ქალში პოზიტიურ გრძნობებს აღვიძებს ბავშვისადმი და თავადაც იწყებს შვილის გაჩენაზე ფიქრს.

ასევე, სხვა შესაძლებელი ფაქტორებიც არსებობს, რაც გავლენას ახდენს ქალის განზრახვაზე.

➽ როცა ქალი ხედავს, როგორ ზრუნავს მისი მეგობარი ბავშვზე, რწმუნდება საკუთარ შესაძლებლობებშიც, რომ შეუძლია შვილის გაჩენა და აღზრდა.

➽ როცა ქალი ხედავს, რომ მისი მეგობარი დედა ხდება, მარტოსულობის გრძნობა უჩნდება და უნდება, თავადაც გახდეს დედა.

გასაკვირია, მაგრამ "მეგობრული კვანძი" ბავშვების რაოდენობაზეც ახდენს გავლენას. მიზეზი იგივეა: თუ თქვენს მეგობარს რამდენიმე შვილის აღზრდა შეუძლია, თქვენც შეგიძლიათ.

მეორე მიზეზიც ძალაშია: თუ თქვენს მეგობარს 3 შვილი ჰყავს, თქვენ კი 1, თავს ისევ მარტოსულად იგრძნობთ.

კიდევ ერთი საინტერესო ფაქტი ისაა, რომ ორსულობის გადადების ცნება დებს შორის არ არსებობს. ზოგი მკვლევარი ამას იმით ხსნის, რომ დღევანდელ სამყაროში შეიძლება ზოგი ადამიანისთვის მეგობარი მეტს ნიშნავდეს, ვიდრე და-ძმა.