ორსულობა და ბავშვი რატომ არის რთული ქალისთვის ფორმის დაბრუნება მშობიარობის შემდეგ 2018, 28 ივლისი, 1:28 
მართალია, ბავშვის გაჩენა ერთ-ერთი ყველაზე სასიხარულო მოვლენაა მსოფლიოში, მაგრამ ისიც უნდა აღინიშნოს, რომ მშობიარობა ქალის სხეულს ფორმას სრულად უცვლის. იმის მიუხედავად, რომ ზოგი დედა საავადმყოფოს ყოველგვარი გართულებების გარეშე 2-3 დღეში ან 24 საათში ტოვებს, რეაბილიტაციის პროცესი გაცილებით მეტ ხანს გრძელდება.
Bright Side-მა გადაწყვიტა, დაედგინა, რა სირთულეებს უმკლავდება ქალის სხეული მშობიარობისას და რამდენი ხანი სჭირდება მას რეაბილიტაციისთვის. მუცელი
კანქვეშა ცხიმი, რომელიც ბავშვს გარე ფაქტორებისგან იცავს, ქალის სხეულში მნიშვნელოვნად იზრდება ორსულობის დროს. ჰორმონალური ცვლილებები და ირაციონალური კვებაც ხელს უწყობს ამ პროცესს. ამიტომაც არის, რომ მშობიარობის შემდეგ ქალის მუცლის მდგომარეობა დამოკიდებულია იმაზე, თუ რამდენი კილო მოიმატა მან ორსულობის დროს. აბდომინალური კუნთები მშობიარობის შემდეგ 6-8 კვირაში იწყებს დაპატარავებას, საკეისროს შემთხვევაში კი მეტი ხანი სჭირდება. თუ არ არსებობს დიასტაზის რექტთან (ასევე ცნობილი, როგორც მუცლის დაშლა) დაკავშირებული პრობლემები, რაც სამედიცინო ჩარევას მოითხოვს, მაშინ დედას შეუძლია ვარჯიშის დაწყება მშობიარობიდან 1.5-2 თვეში. თუ ქალი არ ივარჯიშებს, მუცლის კუნთების აღდგენას 1-2 წელი დასჭირდება. მკერდი
ლაქტაციის პერიოდში რძისთვის საჭირო სეგმენტების გაფართოების გამო ქალის მკერდი იზრდება. კუნთებს ისე აღარ შეუძლიათ მკერდის დაჭერა, როგორც ორსულობამდე, რადგან ძუძუები 2-3-ჯერ უფრო დიდი ხდება. ამან შეიძლება ფთოზი გამოიწვიოს ან მოშვებულ ძუძუებამდე მიიყვანოს ქალი. ამას გარდა, ძუძუს თავები და მიმდებარე ადგილებიც უფრო ფართოვდება და მუქდება, შეიძლება სისხლძარღვებიც ეტყობოდეს მკერდს, რადგან კანი ამ ადგილებში თხელდება. რაც უფრო მეტი რძე აქვს ქალს, უფრო მძიმეა მისი ძუძუც და დატვირთვის გაზრდის გამო მას კარგი მოვლაც სჭირდება.
რაც უფრო ახალგაზრდაა დედა, უფრო ელასტიურია მისი კანიც. ამას გარდა, რაც უფრო გავარჯიშებული იყო მისი მკერდის კუნთები ორსულობამდე, მით უფრო ნაკლები დრო დასჭირდება მშობიარობის შემდეგ ფორმაში ჩასადგომად. სამწუხააროდ, ყოველთვის არ არის შესაძლებელი "ქალწულური" ფორმების დაბრუნება, მაგრამ რაც უფრო მეტს ივარჯიშებს ქალი, მით უკეთეს შედეგს მიაღწევს. სწორი კვება, A, B, და C ვიტამინების მიღება, მკერდის მასაჟი, კომფორტული ბიუსჰალტერი და, რა თქმა უნდა, ვარჯიში, დაგეხმარებათ კანის ელასტიურობისა და მკერდის სილამაზის შენარჩუნებაში. კუნთოვანი სისტემა
ორსულობის დროს ქალის კუნთოვანი სისტემაა ძლიერ დატვირთვას უმკლავდება, სხეული წარმოქმნის ჰორმონ რელაქსინს, რომელიც პასუხისმგებელია კუნთების ელასტიურობის შენარჩუნებაზე. გაზრდილი დატვირთვა იწვევს ხერხემალში, ქვედა კიდურების სახსრებში, მენჯის ძვლებსა და ზურგის კუნთებში ცვლილებებს. ამ პერიოდის განმავლობაში სხეულში სიმძიმის ცენტრი იცვლება, რამაც შეიძლება დისკომფორტი და ტკივილი გამოიწვიოს ხერხემლის არეში. მშობიარობის შემდეგ პროგესტერონისა და ესტროგენის დონე მნიშვნელოვნად იკლებს, რაც სხეულის მეტაბოლიზმს ანელებს და ცხიმოვანი ქსოვილების გაზრდას უწყობს ხელს.
მშობიარობის შემდეგ კუნთოვანი სისტემის აღდგენის პერიოდი მაშინვე იწყება და 3-4 თვე გრძელდება. ამ პერიოდის განმავლობაში ქალს შეიძლება აწუხებდეს ძვლებისა და კუნთების ტკივილი. მშობიარობის შემდეგ სატარებელი სპეციალური ბანდაჟი და ზურგის კუნთების გამაძლიერებელი მასაჟი ტკივილს შეგიმსუბუქებთ. ზემოთხსენებული პრობლემები ქალს იმ შემთხვევაში არ აღენიშნება, თუ მას არანაირი პრობლემა არ ჰქონია კუნთოვან სისტემასთან. მაგრამ, სამწუხაროდ, დღეს ბევრ ქალს აქვს ისეთი პათოლოგია, როგორიც სქოლიოზი ან ბრტყელი ტერფია. საშვილოსნო
საშვილოსნო ბევრ ცვლილებას გადის როგორც ორსულობის, ასევე მშობიარობის დროს. იმ ქალის საშვილოსნოს წონა, რომელსაც არასდროს უმშობიარია, ჩვეულებრივ 40-დან 60 გრამამდეა, როცა მშობიარობის შემდეგ ქალის საშვილოსნოს წონა საშუალოდ 80 გრამია. ზუსტად მშობიარობის შემდეგ კი 91 გრამსაც აღწევს. ეს ცვლილებები ორსულობის დროს კუნთების ჰიპერტროფიის შედეგია. საშვილოსნოს ქვედა ნაწილი დაახლოებით ჭიპის დონეზე მდებარეობს - ამიტომაც არის, რომ ახლადგამხდარი დედა ისევ ორსულივით გამოიყურება მშობიარობის შემდეგ რამდენიმე დღის განმავლობაში.
|
კომენტარები არ არის, დაწერეთ პირველი კომენტარი |
  |
Intermedia.ge © 2011-2024 წელი
საავტორო უფლებები დაცულია
 |
ქალის მენსტრუალური ციკლის აღდგენის პროცესზე ბევრი რამ ახდენს გავლენას - როგორი იყო ორსულობა, გართულებები მშობიარობის დროს, ქალის ასაკი, კვება, ქრონიკული დაავადებების არსებობა, ქალის ძილის და დასვენების რეჟიმი და კიდევ ბევრი სხვა ფაქტორი.
ვაგინა (საშო) კუნთოვანი ორგანოა, რომელიც ასევე ბევრ ცვლილებას გადის მშობიარობის დროს. მისი კუნთები იჭიმება და კარგავს ელასტიურობას, მაგრამ ამ სიტუაციაში ეს სრულიად ნორმალური პროცესია. მიუხედავად ამისა, ბევრი ქალი ნერვიულობს იმაზე, რომ მშობიარობის შემდეგ მათი ვაგინის ზომა გაიზრდება და ეს ცუდად აისახება მათ ინტიმურ ცხოვრებაზე. სანერვიულო არაფერია - ვაგინა ფორმას მხოლოდ დროებით კარგავს!
მშობიარობის შემდეგ პერიოდში ახალგაზრდა დედები ხშირად უმიზეზოდ შფოთავენ, დაღლილობას გრძნობენ და ცუდ ხასიათზე არიან. ქალი უმკლავდება უზარმაზარ ფსიქოლოგიურ დატვირთვას, მუდმივად აწუხებს თავისი შვილის ჯანმრთელობის მდგომარეობა, არ სძინავს საკმარისად, ამ ყველაფერმა კი შეიძლება მისი ფსიქომოტორული რეაქციები შეამციროს.
