ინციდენტი ჩარიცხვის აპარატთან მოხდა, 40 წლის ქალმა ქმრის საყვარელი შეამჩნია, მივიდა მასთან და თმებზე მოქაჩა, ქმრის საყვარელმაც არ დაიხია უკან და იგივე ქმედებით უპასუხა.

გორის რაიონულმა პროკურატურამ ორივე 40 წლამდე ასაკის ქალბატონი ცემაში დაადანაშაულა და 126-ე მუხლით (ცემა)წარუდგინა ბრალდება.

სასამართლო ექსპერტის დასკვნით, ერთ-ერთ ქალბატონს თმები აქვს ამოგლეჯილი, ხოლო მეორეს - სახის არეში ჩალურჯებები აღენიშნება.

ადვოკატი ვაჟა სუხიტაშვილი აცხადებს, რომ ბრალი მხოლოდ მამაკაცის მეუღლემ აღიარა, მისი ქმრის მეგობარი ქალი ბრალს არ აღიარებს, რადგან აცხადებს, რომ თავდასხმა მეორე ბრალდებულისგან მოხდა და თვითონ მხოლოდ თავს იცავდა.

სასამართლო პროცესზე პროკურატურამ ის მამაკაცი დაკითხა, ვის გამოც მოხდა ჩხუბი, იგი ფაქტს ადასტურებს და აღნიშნავს, რომ მომხდარის შემდეგაც მეუღლესთან და მეგობარ ქალთან კვლავაც აგრძელებს ურთიერთობას.