“ხალხმა პირდაპირ გვითხრა, თქვენ რომ ამბობთ ეგრე არ არის და ჩვენ რომ გეტყვით ისეა”, – ასე პასუხობს პარლამენტის ვიცესპიკერი ზვიად ძიძიგური გადაცემა “რეაქციის” წამყვანის ინგა გრიგოლიას კითხვაზე, რომ მათი შერბილებული ტონი ნიშავს თუ არა იმას, რომ შეეშინათ მეორე ტურის შედეგების.

„ხალხია ამ ქვეყანაში მთავარი გადამწყვეტი. რა თქმა უნდა 1%-იანი სხვაობა სილის გარტყმა იყო. გულწრფელად გითხრათ, ამას არ ველოდით. გამოსაფხიზლებელი თემაა. თუ ადეკვატური პოლიტიკური ძალა ვართ, ადეკვატურად უნდა მოვიქცეთ.

ძველი გვარდია ახსენეთ და 2011-12 წლების “ოცნების” შემადგენლობა კარდინალურად განსხვავებული იყო. ის ადამიანები, რომლებიც ცდილობდნენ რომ ქვეყანა წასულიყო წინ, ის ადამიანები დარჩნენ თამაშგარე მდგომარეობაში. ის ადამიანები თანდათან დარჩნენ ამ დგომარეობაში. ყურადღება ყველას მიმართ ვერ იქნა გამოჩენილი. ამიტომ გამოყო ივანიშვილმა ეს ადამიანები ცალკე.

ირაკლი ღარიბაშვილზე მკითხა ჟურნალისტმა და ვუპასუხე გულწრფელად. ის წავიდა პრემიერობიდან ისე რომ ძალიან ბევრი გულშემატკივარი ჰყავს. ამ ადამიანების უკან დაბრუნება პოლიტიკურ პროცესებში დადებითი იქნება. პერსონებზე ვერ დავიწყებ ლაპარაკს. ვიმეორებ, ჩემი მოსაზრება ვთქვი”, – განაცხადა ზვიად ძიძიგურმა.