ანალიტიკურმა პორტალმა Русская семерка, დაასახელა ის ძირითადი სამიზნეები, რომელსაც რუსეთი დაარტყამს მესამე მსოფლიო ომის დაწყების შემთხვევაში.

სპეციალისტების განცხადებით დასავლეთთან ომის შემთხვევაში მოსკოვის ერთ-ერთი პირველი სამიზნე იქნება სუვალსკის კორიდორი, ლიტვა-პოლონეთის საზღვარზე, ამ მონაკვეთს აქვს სტრატეგიული მნიშვნელობა, მისი დაბომბვა მოწყვეტს ბალტიისპირეთს ნატოს სხვა წევრებისგან.

ამის გარდა პოლონეთში არის გათავსებული ჩრდოლოატლანტიკური ალიანსის სწრაფი რეაგირების კორპუსი, ჯავშანტექნიკის საწყობი და აშშ-ს რაკეტსაწინააღმდეგო სისტემის ელემენტები.

რუსეთი დაარტყამს პოლონურ სოფელ რეზიკოვოს და პოვიძს, სადაც მდებარეობს რაკეტსაწინააღმდეგო სისტემა და ნატოს ლოგისტიკური ბაზა, მათ რიცხვს მიემატება ამერიკული ბაზა "ფორტ ტრამპი".

ექსპერტები იმასაც აღნიშნავენ, რომ რუსეთის სამიზნე იქნება ნატოს რაკეტსაწინააღმდეგო სისტემა, რომელიც რუმინეთში, დევესულეში არის განლაგებული.

რუმინეთში, დევესულეში განლაგებული ბაზებიდან შესაძლებელია არა მარტო გაკონტროლდეს რუსული საკონტინენტთაშორისო რაკეტები, არამედ განხორციელდეს დარტყები ყირიმზე, ყუბანში და კავკასიაში, ამის შესაძლებლობას იძლევა ამერიკული ფრთოსანი რაკეტა "ტომაჰავკი"(Tomahawk), რომლის ფრენის სიშორე 2500 კილომეტრია-დასძენენ ექსპერტები.