აღიარეთ, არის სუპერ ძალები, რომელთა ფლობაზეც გიოცნებიათ! იქნებ, წითელი მოსასხამითაც გირბენიათ სახლის ირგვლივ, ან, სულ ცოტა, გიფიქრიათ მაინც ამაზე... ნუ ღელავთ, ამისთვის აქ არავინ განგსჯით. სტატიაში შემოგთავაზებთ 25 სუპერ ძალას, რომელთაგან ერთ-ერთის ქონა შეიძლება ბავშვობაში კი არა, ახლაც მოისურვოთ. იხალისეთ!

1. წყალში სუნთქვა

ეს სუპერ ძალა რომ გქონდეთ, წყლის ქვეშ თევზივით ისუნთქავდით, ჟანგბადი აღარ დაგჭირდებოდათ.

2. მოუხელთებლობა

ეს სუპერ ძალა იმუნიტეტს მოგცემდათ; ვერავინ მოგაყენებდათ ფიზიკურ, მენტალურ და სულიერ ზიანს.

3. დროში მოგზაურობა

დროში მოგზაურობის ძალა რომ გქონდეთ, დროის მანქანის გამოგონებაც კი აღარ დაგჭირდებოდათ.

4. ღამით ხედვა

ამ ძალის წყალობით, ფარნის არსებობასაც დაივიწყებდით. შეგეძლებოდათ სიბნელეში სიარული, კითხვა, წერა და ნებისმიერი რამ.

5. ტელეპათია

ზოგი მეგობარი ერთმანეთს სახის მიმიკებით უგებს, მაგრამ ტელეპათიის ნიჭის წყალობით ეს უფრო მარტივი იქნებოდა. გარდა ამისა, ერთმანეთის აზრებს საჯარო სივრცეშიც წაიკითხავდით საიდუმლოდ და ამის შესახებ ვერავინ გაიგებდა.

6. სუპერ სიჩქარე

სუპერ სიჩქარის წყალობით სხვადასხვა ქვეყანაში იმოგზაურებდით და ვერავინ დაგეწეოდათ.

7. ყველა ენის ცოდნა

ყველა ენის გაგებას თუ შეძლებდით, ქვეყნებში ისე იმოგზაურებდით, რომ ენის ბარიერზე ნერვიულობა არ დაგჭირდებოდათ.

8. ამინდის კონტროლი

ეს სუპერ ძალა რომ გქონდეთ, ნებისმიერი დღის იდეალურად გადაქცევას შეძლებდით.

9. კედლებზე ცოცვა

ადამიანი ობობას მსგავსად კედლებზე ცოცვისა და ბეტმენივით ჭერზე დაკიდების უნარი კარგად ჟღერს, არა?

10. წინასწარმეტყველება

ამ უნარის წყალობით შეძლებდით, ადამიანებისთვის წინასწარ გეცნობებინათ ყოველგვარი საფრთხის შესახებ და კატასტროფებისგან გეხსნათ მსოფლიო.

11. ექოლოკაცია

ამ სუპერ ძალის წყალობით, საგნების გადაადგილებას ღამურასავით ხმის ტალღების გამოყენებით შეძლებდით.

12. დროის კონტროლი

ოდესმე გიოცნებიათ დროის უკან დაბრუნებაზე? ამ სუპერ ძალის წყალობით ამას შეძლებდით, უხერხული მომენტები არასდროს შეგექმნებოდათ, ძილს კი უფრო დიდხანს გააგრძელებდით.

13. სუპერ სიმარჯვე

ამ სუპერ ძალის წყალობით ჩაკ ნორისსაც კი არ ექნებოდა თქვენი დამარცხების შანსი.

14. ცხოველებთან საუბარი

ოდესმე გიფიქრიათ, რას ფიქრობს თქვენი ძაღლი ან კატა? ამ სუპერ ძალის წყალობით მათთან საუბარს შეძლებდით.

15. უკვდავება

უკვდავი რომ ყოფილიყავით, სამუდამოდ იცხოვრებდით და ყველაზე ბრძენი ადამიანი იქნებოდით დედამიწაზე. ასევე, გასაკეთებლი საქმეების სიის დაწერაც არ დაგჭირდებოდათ, რადგან წინ მთელი ცხოვრება გექნებოდათ.

16. სუპერ ინტელექტი

ამ სუპერ ძალის წყალობით, ალბერტ აინშტაინივით ჭკვიანი იქნებოდით, ბევრი სწავლაც არასდროს მოგიწევდათ.

17. გონების კონტროლი

ამ სუპერ ძალის წყალობით შეძლებდით, უფროსისთვის შთაგეგონებინათ, რომ შვებულება მოეცა თქვენთვის, მიგეღოთ უმაღლესი შეფასება ლექტორისგან და დაგეთანხმებინათ მშობლები, უცხოეთში გაეშვით. საერთოდ, ყველაფრის გაკეთებას შეძლებდით, რაც მოგინდებოდათ.

18. პირადი სივრცის დამცავი

თუ პირადი სივრცე თქვენთვის ძალიან მნიშვნელოვანია, მაშინ ეს სუპერ ძალა თქვენთვის იდეალური იქნებოდა; გექნებოდათ შესაძლებლობა, ნებისმიერ დროს დარჩენილიყავით მარტო, როცა მოგინდებოდათ.

19. ხელშეუხებლობა

ამ ძალის წყალობით, კედლებში გავლას შეძლებდით, არასდროს დარჩებოდით სახლის კარს გარეთ და მანქანაში ჩასაჯდომად გასაღებიც არ დაგჭირდებოდათ.

20. ფრენა

ამ სუპერ ძალაზე მგონი კომენტარის გარეშეც გასაგებია ყველაფერი. ეს ის სუპერ ძალაა, რომელზეც ყველა ბავშვს უოცნებია, თუმცა, ამაზე უფროსებიც არ იტყოდნენ უარს. წარმოიდგინეთ სამყარო საცობების გარეშე, სამყარო, სადაც ნებისმიერ ქვეყანაში გადაფრენა და დედამიწის ჩიტის თვალით დანახვა შეგეძლებოდათ.

თქვენ რომელ სუპერ ძალას ისურვებდით? გაგვიზიარეთ♥

ასევე დაგაინტერესებთ:

1. ყველაზე თანამედროვე ბებიები და ბაბუები მთელი მსოფლიოდან

2. ტოპ 10 ყველაზე პოპულარული ენა მსოფლიოში

3. 26 ოპტიკური ილუზიის მაგალითი - გაარჩევთ მას სინამდვილისგან?