საფრანგეთის და საქართველოს პოლიტიკურმა მოღვაწემ, საქართველოს საგარეო საქმეთა მინისტრმა და საქართველოს პრეზიდენტობის კანდიდატმა სალომე ზურაბიშვილმა სოციალურ ქსელში საკუთარი ვაჟის, თეიმურაზ გორჯესტანის ქორწილის ამსახველი ფოტოები გამოაქვეყნა.

ქორწილს ნათესავები, მეგობრები, ფრანგი სტუმარები და ცნობილი ქართველები ესწრებოდნენ.წყვილმა ყაზბეგში, გერგეტის სამების ეკლესიაში დაიწერა ჯვარი, თეიმურაზის რჩეული ფრანგი გოგონა-კონსტანსაა.

როგორც ცნობილია, სალომე ზურაბიშვილმა პრეზიდენტობის კანდიდატად თავი ერთი კვირის წინ წარადგინა და მისივე თქმით ოფიციალური განაცხადი სწორედ შვილის ქორწილის გამო დაუგვიანდა.

სალომე ზურაბიშვილს პირველი ქორწინებიდან ორი შვილი, თეიმურაზი და ქეთევანი ჰყავს, სხვათა შორის ორივე გამართულად საუბრობს ქართულად.თეიმურაზი ნიუ-იორკში ცხოვრობს და გაეროს მისიაში მუშაობს, ხოლო ქეთევანი ფრანგულ საერთაშორისო ორენოვან ტელევიზიაში მუშაობს. საინფორმაციო გამოშვებისთვის სიუჟეტებს ამზადებს და სპორტული ნაწილის წამყვანია.

ქეთევანი რუსეთში ფეხბურთის მსოფლიო ჩემპიონატს ესწრებოდა და იქიდან გადასცემდა სიუჟეტებს.