თუ უძრავი ქონების ბაზარზე საცხობრებელს ათვალიერებთ და სურვილი გაქვთ კერძო სახლის მფლობელი გახდეთ, აღმოაჩენთ, რომ ფასები მეტისმეტად მაღალია. შესაბამისად, ალბათ დაინტერესდებით მცირე ფართის მქონე სახლებით. დაიმახსოვრეთ, რომ პატარა, ყოველთვის არ ნიშნავს მოუხერხებელს და არაპრაქტიკულს. სტატიაში სწორედ ამის დამტკიცებას შევეცდებით – დიზაინერმა კრის ჰეინინგმა არაჩვეულებრივი გამოსავალი აღმოაჩინა, თუ როგორ გადააქციოს 26 კვ. მეტრი ფართის სახლი საოცარ, მყუდრო, უსაფრთხო ადგილად, რომელიც აღჭურვილია იმ ყველა ნივთითა და მოწყობილობით, რაც სამზარეულოსა და აბაზანისთვისაა საჭირო, მეორე სართულზე, ე.წ. სხვენზე, განათავსა საძინებელი ორკაციანი საწოლით.

კიბის ქვეშ სივრცე სრულადაა ათვისებული – განთავსებულია უჯრები და ელექტრო ბუხარიც კი.

საძინებელი სხვენშია, რომლის სიმაღლე მოგცემთ იმის საშუალებას გამართულად გაიაროთ.

როგორც საძინებელს შეეფერება, არის ნათელი და კომფორტული – ორკაციანი საწოლით, ჩაშენებული კარადებით.

სამზარეულო აღჭურვილია ყველა იმ თანამედროვე მოწყობილობით, რაც მნიშვნელოვანია ყველა დიასახლისისთვის – მიკროტალღური ღუმელი, გაზქურა, მინი-მაცივარი. ამასთან, აღმოაჩენთ ტელევიზორსა და DVD ფლეიერს.

მთელს სახლში LED ნათურებია გამოყენებული. ამას გარდა, დიდ ზომის ფრანგული ფანჯრები საშუალებას იძლევა, ბუნებრივი სინათლე შემოვიდეს.

პირსაბანის გვერდით საკმაოდ დიდი სათავსოა, სადაც შეგიძლიათ სარეცხის მანქანა და საშრობი მოათავსოთ.

მიუხედავად მცირე ფართისა, სააბაზანოში არის როგორც საშხაპე, ისე ჯაკუზიც.