ყველაზე წარმატებული კომპანიებიც კი, რომლებიც დღეს მილიარდი დოლარი ღირს, მცირედით იწყებდნენ. ზოგიერთი მათგანი ისეთ ვითარებაში ჩაისახა, რომლის შესაებ, ბევრი ჩვენგანი, ვერც კი წარმოიდგენდა. გთავასობთ პატარა კომპანიების ისტორიას, რომლებიც იმპერიებად იქცნენ:

1. თავისი არსებობის პირველ წლებში, კომპანია Sony ბრინჯის ელექტროსახარშების წარმოებით იყო ცნობილი.

2. LG Electronics-ი, რომლის ფინანსური ბრუნვა წელიწადში, საშუალოდ, 48, 2 მილიარდი დოლარია, თავისი გზის დასაწყისში, კბილის პასტას და სახის კრემებს აწარმოებდა.

3. წარმოუდგენელია, მაგრამ წლების წინ, Nokia წყალგაუმტარ რეზინის ფეხსაცმელს, ე.წ. კალოშებს აწარმოებდა.

4. Toyota-ამ მოღვაწეობა საკერავი მანქანების და საქსოვი დაზგების წარმოებით დაიწყო.

5. IKEA კარიერის დასაწყისში, ასანთს და სხვა წვრილ და იაფფასიან ნივთებს აწარმოებდა.

6. კომპანია SHARP-ი ფანქრებს აწარმოებდა, გულის გამოშვების ავტომატური მექანიზმით.

7. დღევანდელი Bombardier, თვითმფრინავების მწარმოებელი ლიდერი კომპანია, ადრე თოვლმავლებს უშვებდა.

8. ცოტამ თუ იცის, რომ წარსულში, თვითმფრინავები და ავიაძრავები კომპანია BMW-ს განუყოფელი ნაწილი იყო. სწორედ ძრავების წარმოებით დაიწყო ავტოგიგანტმა ფუნქციონირება.

9. კორპორაცია Nintendo, ვიდრე ვიდეო თამაშების წარმოებას დაიწყებდა, იაპონური კარტის (ბანქო) და სათამასოების შექმნით იყო დაკავებული.

10. Samsung-ი კვების პროდუქტების საბითუმო კომპანია იყო. ის ჯერ ქვეყნის მასშტაბით ამარაგებდა მოსახლეობას ბრინჯის ფქვილით, შაქრით და გამხმარი თევზით, ხოლო შემდეგ, მეზობელ ქვეყნებთანაც დაიწყო ვაჭრობდა.

11. Lipton-ი, ფაქტიურად, ერთი ჩვეულებრივი მაღაზია იყო.

12. გასული საუკუნის 30-იან წლებში Philips & Co. მხოლოდ ნათურებს და რადიომიმღებებს აწარმოებდა.

13. კონსერვების მწარმოებელი, ყველასთვის ცნობილი კომპანია Bonduelle, XIX საუკუნის II ნახევარში, სპირტული სასმელების წარმოებით იყო ცნობილი.

14. ტანსაცმლის მწარმოებელი კომპანია Hugo Boss-ი უნიფორმებს უშვებდა გერმანელი ნაცისტებისთვის.

15. ვიდრე კპმპანია IBM კომპიუტერული პროგრამების შექმნით გაითქვამდა სახელს, ტაბულატორების (საანგარიშო მანქანა), ყველის სლაისერების და სასწორების წარმოებით იყო დაკავებული.