მაცივარი დროის ნამდვილ მანქანას არ წარმოადგენს, რომ უსასრულოდ შეინახოს თქვენი საკვები და იხნას გაფუჭებისგან, თუმცა ოთახის ტემპერატურას ნამდვილად ჯობია. დღევანდელ სტატიაში კი გასწავლით ხრიკებს, თუ როგორ შეინახოთ მწვანილი, ბულიონი და სხვა საკვები პროდუქტები წლების მანძილზეც კი.

1. მწვანილი.მოგეხსენებათ, რომ მაცივარში მწვანილი მხოლოდ 5 დღემდე ძლებს, შემდეგ კი ლპება ან ყვითლდება. თუ მას დაჭრით, მშრალ ცელოფანში ან ყინულისთვის განკუთვნილ კუბიკებში მცირე წყალთან ერთად გაყინავთ, ის 12 თვის მანძილზე გასტანს.

შენიშვნა: უმჯობესია მწვანილი გაყინოთ და არა გაახმოთ, რადგან გაყინული მეტად ინარჩუნებს გემოსა და არომატს.

2. ბულიონი.
კარგი გამოსავალია ბულიონის გაყინვა.

შენიშვნა: სანამ საყინულეში შედგამთ, ჯერ მაცივარში ამყოფეთ.

3. ბანანი.
ბანანს ძირითადად ყინავენ იოგურტისთვის, ნაღებისთვის, ნაყინისთვის.

შენიშვნა: აუცილებლად საღი ბანანი აარჩიეთ გასაყინად.

4. ყველი.
ყველი საკვებ კონტეინერით ან ფოლგით მაცივარში მხოლოდ სამი კვირის მანძილზე ინახება. საყინულეში კი მას 4 თვე შინახავთ.

5. ტომატ–პასტა.
ხშირია შემთხვევა, როდესაც 2–3 გამოყენების შემდეგ მთელი ქილა ტომატ–პასტა გვიობდება. მარტივი გამოსავალი აქაც არსებობს, ყინულის კუბიკებში გაყინეთ ის, შემდეგ კი მშრალი ცელოფნით შეინახეთ საყინულეში და გამოიყენეთ საჭირო ულუფის მიხედვით. ასეთ შემთხვევაში მას 4 თვის მანძილზე შეინახავთ.

6. ლიმონი.
მაცივარში რამოდენიმე კვირის განმავლობაში ლიმონი შრება და ლპება. თუ მის წვენსა და ქერქს გაყინავთ, 4 თვის მანძილზე შეძლებთ გამოყენებას.

7. თხილი.
მიწის თხილი, ნიგოზი, თხილი, ნუში დროთა განმავლობაში ობდება, მძაღდება და შრება, ასე რომ არ მოხდეს გაყინეთ და შეძლებთ 2 წლის მანძილზე შენახვას.

8. მოხარშული ბრინჯი.
თუ შემთხვევით სალათისთვის განკუთვნილი ბრინჯი ცოტა ზედმეტი მოგეხარშათ და გადაყრა გენანებათ, შეგიძლიათ ის გაყინოთ.

9. პური.
თუ ქალაქიდან გადიხართ გარკვეული დროის მანძილზე და პური გრჩებათ, შეგიძლიათ ის გადაახვიოთ ფოლგაში და გაყინოთ. 3 თვის მანძილზე შეინახავთ მას ამ მდგომარეობით. შემდეგ კი შეათბეთ ღუმელში ან ტოსტერში.

10. კარაქი.
კარაქი მაცივარში დიდი ხნით არ ინახება, ის ადვილად ამძაღდება ან შეიცვლის გემოს, მაგრამ თუ საყინულეში გექნებათ ჰერმეტულად შეფუთული, 1 წლის მანძილზე შეინახავთ.

იხილეთ აგრეთვე:

● ხრიკები, რომელთა ცოდნა აუცილებელია!

● წარმოდგენაც არ გექნებათ რას ვჭამთ სინამდვილეში! გაოცდებით