დედამიწის ზურგზე ალბათ ძალიან ცოტა ადამიანია, ვისაც არ უყვარს ტკბილეული. განა შეგვიძლია უარი ვთქვათ ნაპოლეონზე, შოკოლადის ტორტზე, ჰაეროვან კექსზე, განსაკუთრებით მაშინ, როდესაც ნებისმიერი დღესასწაული სწორედ რომ ტორტით სრულდება. ბევრი თქვენგანი ვერ წარმოიდგენდით, რომ მთელი ცხოვრების მანძილზე ტორტს არასწორად ჭრიდით. გაგიკვირდებათ და ტორტის დაჭრის სწორი მეთოდიც არსებობს თურმე.

1906 წელს ბრიტანელმა მათემატიკოსმა გამოიგონა ტორტის ჭრის სწორი მეთოდი, რომელსაც მისი თქმით "მაქსიმალური გასტრონომიული სიამოვნების" მონიჭება შეუძლია.

საქმე იმაშია, რომ თუ კი თქვენ მრგვალ ტორტს ჩვეული მეთოდით დაჭრით, მისი კიდეები ადვილად გამოშრება და გახმება. ამ მათემატიკური მეთოდით კი გვექნება შესაძლებლობა შევუნარჩუნოთ ტკბილეულს ჩვეული ფორმა (ჰაეროვნება და სირბილე) და ნებისმიერ მომენტში ჭამის წინ იყოს გემრიელი.

როგორ დავჭრათ მრგვალი ტორტი სწორედ?

პირველ რიგში ტორტი უნდა გაჭრათ თითქმის შუაზე და ამოჭრათ შუა ნაჭრები, დარჩენილ ორ ნახევარს კი შეაერთებთ, რაც შეუნარჩუნებს ტორტს სირბილეს. შემდეგ ეტაპზე კი დარჩენილ ნახევრებს დავჭრით ჯვარედინად, ისევ შევაერთებთ დარჩენილ ნაწილებს და ა.შ. (იხილეთ ფოტო)

დამეთანხმებით იმაში, რომ ეს მეთოდი არ არის ხელსაყრელი ხმაურიანი კამპანიების დროს, სადაც მთელი ტორტი თვალის დახამხამებაში იჭრება და იჭმევა, თუმცა თუ თქვენ გადაწყვეტთ მოიწყოთ პატარა ტორტით განტვირთვის საღამო, ეს მეთოდი ნამდვილად გამოგადგებათ სახლის პირობებში.

იხილეთ აგრეთვე:

* ყველაზე ამაზრზენი ტორტები

* მოამზადეთ გემრიელი ტკბილეული 10 წუთში- რეცეპტები

* "რომელი ნაყინი არ ასუქებს"?