მოდელის და ტელეწამყვანის შორენა ბეგაშვილის 14 წლის ქალიშვილის, ევა ბარბაქაძის უბედურმა შემთხვევამ მთელი საქართველო შეძრა. გოგონა მეხუთე სართული ფანჯრიდან გადმოვარდა.

იაშვილის საავადმყოფოს დირექტორის ვანო ჩხაიძის ინფორმაციით, ევა ბარბაქაძის მდგომარეობა ისევ სტაბილურად მძიმე, გაუარესების გარეშე. გუშინ ჩატარებული დამატებითი კვლევებით დაზიანებების ხარისხი და ზუსტი ადგილი იდენტიფიცირებულია. დღეს კი მოზარდს ჩაუტარდება ოპერაცია ნეიროქირურგის და შემდეგ ტრავმატოლოგის მონაწილეობით. როგორც იაშვილის საავადმყოფოს დირექტორმა "იმედის დროში" აღნიშნა გოგონას დაზიანებული აქვს ხერხემალი და ასევე ბარძაყისა და მხრის ძვალი. პირველ რიგში ოპერაცია ხერხემალზე ჩაუტარდება, ხოლო შემდეგ კი უკვე გაგრძელდება ტრამვატოლოგიური ჩარევა.

ხოლო რაც შეეხება ევა ბარბაქაძის თურქეთში გადაყვანას, ეს დღის წესრიგში არ დგას და ასეთი აუცილებლობა არ არის.

14 წლის ულამაზესი გოგონა შეყვარებულია. მისი შეყვარებული კი ბიკო გელაშვილია. ბიკო სოციალური ქსელ "ფეიბუქზე მოუწოდებს საზოგადოებას, რომ უაზრო პოსტების წერას თავი დაანებონ და თუ მართლა გული შესტკივათ ევაზე, უმჯობესია ილოცონ:

"მოკლედ, მომისმინეთ რაა... არ გვინდა რა ეს "ყველაფერი კარგად იქნება" პოსტები. თუ გული შეგტკივათ ევაზე და გინდათ რომ მხარში დაუდგეთ, ფოტოების დადებას, წადით და ილოცეთ. მოკლედ, თავი შეიკავეთ მსგავსი პოსტებისგან, იმიტომ რომ არც მე, არც ევას ოჯახის წევრებს და ზუსტად ვიცი, თვითონ ევასაც არ ესიამოვნებოდა..."