ნიუ-იორკში 10 ნოემბერს გაიმართა Victoria's Secret Fashion Show-2015, რომელიც Victoria's Secret-ისთვის მე-20-ე, საიუბილეო ჩვენება იყო. შოუში 47 მოდელი მონაწილეობდა, რომლებმაც შეკრებილ საზოგადოებას 75 თეთრეულის კომპლექტი წარუდგინეს. მუსიკალურად ჩვენება სელენა გომესმა, The Weeknd და სხვა მოწვეულმა ვარსკვლავებმა გააფორმეს.

შოუში Victoria's Secret-ის 15 საუკეთესო “ანგელოზი" მონაწილეობდა, დანარჩენი მოდელები მოწვეულები იყვნენ.

შოუს დაწყების წინ, გოგონებმა აღიარეს, რომ ამ ჩვენებისთვის 1 წლის მანძილზე ემზადებოდნენ და რომ ლამაზი სხეულები – მათი მუდმივი შრომის შედეგია. მთელი წლის მანძილზე, დღეში ორჯერ, ისინი სპორტულ დარბაზებში ვარჯიშობდნენ და შეზღუდული რაციონით იკვებებოდნენ.

შოუ 26 წლის ბეჰატი პრინსლოუმ და 34 წლის ალესანდრა ამბროსიომ გახსნეს.

როგორც ყოველთვის, გოგონები მხოლოდ თეთრეულის დემონსტრირებით არ შემოიფარგლნენ და ეგზოტიკურ პეპლებად და ანგელოზებად გარდაიქმნენ.