ალკოჰოლი უძველესი დროიდან არსებობს და ყველა ქვეყანას საყვარელი სასმელი აქვს. დროთა განმავლობაში, გარკვეული ინფორმაცია დაგროვდა ამ სასმელების შესახებ. ქვემოთ გთავაზობთ ზოგიერთ საინტერესო და ნაკლებად ცნობილ ფაქტს ალკოჰოლური სასმელების შესახებ.
1. ბოსტნეულის უმრავლესობა და თითქმის ყველა ხილი ალკოჰოლის მცირე რაოდენობას შეიცავს.
2. ალკოჰოლი მხოლოდ მიწიერი სასმელი არ არის. მანჩესტერის ინსტიტუტის მეცნიერებმ, არწივის თანავარსკვლავედში აღმოაჩინეს «კოსმოსური ბარი»! ღრუბელი, რომელშიც «სასმელი» გაყინულ (-148 °C ) მდგომარეობაში იმყოფება. ალკოჰოლის რაოდენობა ამ ღრუბელში, 10 000-ჯერ აღემატება წყლის საერთო რაოდენობას დედამიწაზე.
3. ვიკინგებს ძალიან უყვარდათ ალკოჰოლური სასმელები, მაგრამ ისინი მას არა ტრადიციული სასმისით, არამედ ბრძოლაში დამარცხებული მტრის თავის ქალით სვამდნენ.
4. ამერიკაში, ოჰაიოს შტატში კანონით იკრძალება თევზის დათრობა.
5. საფრანგეთის ერთ-ერთი ვენახის მიწა იმდენად ღირებულად ითვლება, რომ ყველამ, ვინც ამ მიწაზე ფეხს დაადგავს, ვენახის დატობების დროს, ფეხსაცმელი კარგად უნდა გაიწმინდოს, რომ მიწის ნაწილი თან არ გაიყოლოს.
6. აშშ-ში, იაპონიაში, ინდოეთში, ინდონეზიაში და ზოგიერთ სხვა ქვეყანაში, დაწესებულია, სასმელის მოხმარების, ყველაზე მაღალი მინიმალური ასაკი -21 წელი. ზოგიერთ ქვეყანაში ეს ასაკი 16 წელია, ზოგში კი საერთოდ არ არსებობს კანონი, ალკოჰოლის მიღების ასაკობრივ ზღვარზე, ხოლო ზოგში ალკოჰოლური სასმელი საერთოდ აკრძალულია.
7. კვლევის თანახმად, დღე-ღამის ნებისმიერ მომენტში, დედამიწის მოსახლეობის 0, 7 % მთვრალია. რაც იმას ნიშნავს, რომ პლანეტაზე, ყოველთვის, 50 მილიონი ადამიანი ალკოჰოლის ზემოქმედების ქვეშ იმყოფება.
8. ჩეხეთი – არის ქვეყანა, რომელშიც ყველაზე მეტ ლუდს სვამენ. 1 სულ მოსახლეზე, იქ 150 ლ. ლუდი ისმევა.
9. ადოლფ ჰიტლერი ალკოჰოლურ სასმელებს საერთოდ არ ეკარებოდა, ხოლო უინსტონ ჩერჩილი სმის დიდი მოყვარული იყო.
10. სადღეგრძელოს თქმის ტრადიცია ძველ რომში გაჩნდა.
11. ადამიანები, რომლებსაც კუნთები აქვთ განვითარებული, უკეთესად იტანენ ალკოჰოლს, ვიდრე ისინი, ვისაც კანის ქვეშ ცხიმი აქვს დაგროვილი. ეს იმით არის განპირობებული, რომ წყლით მდიდარი კუნთები დიდი რაოდენობით ალკოჰოლს ითვისებენ და არ აძლევენ მას ტვინში მოხვედრის საშუალებას.
12. ცარიელი ჭიქის შიშს - ცენოსილიკაფობია ჰქვია.
13. იაპონელმა ექიმებმა რამდენიმე პაციენტს აღმოუჩინეს ლოთი ნაწლავის სინდრომი. რაც იმაში გამოიხატება, რომ ნაწლავებში მაღალია სოკო კანდიდას რაოდენობა, რომელიც იმ რაოდენობის ალკოჰოლს გამოიმუშავებს, რომ ადამიანის თრობას იწვევს.
14. კოკტეილები პოპულარული გახდა მშრალი კანონის დროს. ისინი ნიღბავდნენ ალკოჰოლის გემოს სასმელში.
15. შამპანურის ბოთლში 3-ჯერ უფრო მაღალია წნევა, ვიდრე მანქანის საბურავში და ბოთლის გახსნის შემდეგ, მისი საცობი, დაახლოებით, 100 კმ/სთ სიჩქარით მოძრაობს.
16. კამბოჯაში ყველაზე პოპულარული სასმელი ტარანტულას ბრენდია – ბრინჯის ლიქიორი, რომელსაც ახლად მოკლული ობობა ემატება.
17. მსოფლიოში ყველაზე მაღალი ალკოჰოლის შემცვლელ ლუდად “გველის შხამი” ითვლება, რომელსაც Brewmeister აწარმოებს. ჩვეულებრივ, ლუდი 4 - 6 პროცენტამდე ალკოჰოლს შეიცავს, ხოლო ხსენებულ შოტლანდიური ლუდში, ალკოჰოლის შემცველობა - 67, 5 % -ია
18. არაყი – ყველაზე პოპულარულია სპირტულ სასმელებს შორის. მსოფლიოში, ყოველწლიურად, დაახლოებით, 5 მილიარდი ლიტრი არაყი ისმევა.
19. ფართოდ გავრცელებული აზრი იმის შესახებ, რომ ნამდვილ ტეკილაში აუცილებლად უნდა იყოს “ჭიაყელა", სიმართლეს არ შეეფერება. მექსიკური სასმელის ბოთლში ჭიაყელის ჩაგდება, მხოლოდ სარეკლამო ტრიუკი იყო ევროპული ბაზრის დასაპყრობად და ამასთან, ჭიაყელა ტეკილაში კი არა, მის “მონათესავე", უფრო დაბალი ხარისხის სასმელში - მესკალში არის.
20. ყველაზე ძვირადღირებული არაყი “მილიარდელი” 3, 75 მილიონი დოლარი ღირს. მას ცნობილი კომპანია Leon Verres აწარმოებს. არაყი სამგზის ფილტრაციას გადის: ყინულში, სკანდინავიური არყის ხის ნახშირში და ბრილიანტის ქვიშაში.
არაყი იყიდება პლატინით გაფორმებულ ბროლის ბოთლებში, რომელშიც 3 000 ბრილიანტის თვალი არის ინკრუსტირებული.
