ჩაცმა-დახურვის საკითხი დღეს, ვფიქრობ რომ თითქმის უმეტესობას სხვა ყველაფერზე მეტად ადარდებს. საზოგადოების თავშეყრის ადგილებში თუ სამსახურში გამოვიყურებოდეთ მოხდენილად, მიმზიდველად და ამავდროულად მოდურად, ალბათ ყველა ჩვენთაგანის სურვილია. ჩვენ, რაღა თქმა უნდა და ჩვენზე მეტად ეს საკითხი აწუხებთ სელებრითებს, რომლებიც ცხოვრების უმეტეს ნაწილს კამერებისა თუ პაპარაცების გარემოცვაში ატარებენ და მუდამ ზრუნავენ იმაზე, არ გაეხვნენ ყვითელი პრესის ქარ-ცეცხლში.

როგორც ცხადია ყოველ წელს ხდება რაღაცის გრადაცია და დაკომპლექტება შესაბამისი კრიტერიუმითა და სტატუსით, ხოდა ჩვეულ ტრადიციებს არც გასულ წელს უღალატა ერთ-ერთმა მაღალ რეიტინგულმა ჟურნალმა «People»-მ და გამოავლინა იმ სელებრითთა სია, სადაც გასული წლისთვის ყველაზე მოდურად ჩაცმულებმა მოიყარეს თავი. აი ისინიც, ხოლო ჩამონათვალს უკუსვლით დავიწყებ:

1. Jennifer Lawrence.

"შიმშილის თამაშების" ვარსკვლავი მოხვდა ყველაზე გემოვნებიანი სელებრითი ქალბატონების სიაში, მართალია ბოლო ადგილზე, თუმცა 25 წლამდე ასაკის მანდილოსნებში დამსხურებული ადგილი უკავია.

2. Diane Kruger.

ჟურნალი «People» აღიარებს, რომ მშვენიერი მსახიობი მხოლოდ კარიერას არ ფლობს შესანიშნავად, მოდის ხელოვნებასთან ძალიან კარგად აქვს შერწყმული და დახვეწილი სტილი და წითელ ხალიჩაზე კი ყოველთვის ბრწყინავს, როგორც ნამდვილი ქალღმერთი.

3. Jessica Alba.

მომხიბვლელი მსახიობი არაერთხელ მომხდარა გემოვნებიანად ჩაცმული მანდილოსნების სიაში და არც ამჯერად ჩამორჩა რეიტინგს. საკუთარმა გემოვნებამ ქუჩის სტილის ლუქებით თავისივე ელემენტებით, კიდევ ერთხელ "გემოვნებიანის" სტატუსი მიანიჭა ჯესის.

4. Rihanna.

2012 წელს პოპის ქალღმერთი ყველაზე გემოვნებიანად ჩაცმულ სელებრითებში პირველ ადგილს იკავებდა, ამ სიაში მართალია ადგილი ცოტათი უკან გადაინაცვლა, თუმცა მაინც ღირსეულად ასპარეზობს აღნიშნულთა შორის თავისი რისკიანი, ექსტრავაგანტული და ექსპერიმენტალური სტილით.

5. Miranda Kerr.

Victoria's Secret-ის ერთ-ერთი ანგელოზი, მოდელი მირანდა ყოველთვის იყო გამორჩეული თავისი გემოვნებით, რომელიც მუდამ აისახებოდა მის ქუჩის სტილზე და გორდერობზე. ამიტომ ჟურნალმა ჩათვალა რომ ეს ადგილი მისთვის ღირსეულია გემოვნებიანთა სიაში.

6. დები Kardashian-ები.

კიმი, ქლოე და კორტნი, დები კარდაშიანებიც ჟურნალის თქმით ღირსეულად იკავებენ ამ სიაში რეიტინგს თავიანთი გამორჩეული და ტრენდული სტილით როგორც ერთად, ისე ცალ-ცალკე ყოფნის დროს.

7. Emma Stone.

ემა ერთხმად აღიარებული ყველაზე ელეგანტური ვარსკვლავია წითელ ხალიჩაზე. გასულ წელს კი მან მოახდინა გრადაცია საკუთარი სტილის და დამსახურებულად მოხვდა გემოვნებიანთა რეიტინგის პირველ სამეულში.

8. Kate Middleton.

30 წლის უმშვენიერესი, კემბრიჯის ჰერცოგინია მფლობელია დედამიწის ყველაზე გემოვნებიანი ადამიანის სტატუსის კლასიკურ სტილში და გამორჩეული, მუდამ თანამედროვე, ელეგანტური და ქალური სტილის გამო რეიტინგის მეორე ადგილზეა.






9. Gwyneth Paltrow.

40 წელს გადაცილებული მსახიობი არაჩვეულებრივ ფორმაშია და თავისი მოხდენილი მრავალ პროფილიანი გემოვნებიანი სტილით, ღირსეულად იკავებს ასპარეზზე სატიტულო პირველ ადგილს.