ბუშიდო მხოლოდ საბრძოლო კოდექსი არ არის, არამედ ცხოვრების ფილოსოფიაა, რომელიც დღემდე უდიდეს გავლენას ახდენს იაპონურ კულტურაზე და მსოფლიოს სხვა ნაწილზეც. მისი ძირითადი ღირებულებები – ერთგულება, პატივისცემა, სიმამაცე და ღირსება – უნივერსალურია და ნებისმიერ კულტურაში შეიძლება იქეს გამოყენებული.

ბუშიდო (武士道) იაპონური სიტყვაა და ნიშნავს „მეომრის გზას“. ეს კოდექსი წარმოშობით ფეოდალური იაპონიიდან მოდის და იყო სამურაების ეთიკისა და ცხოვრების წესების ერთობლიობა. ბუშიდო განსაზღვრავდა, როგორ უნდა მოქცეულიყო სამურაი ბრძოლაში, საზოგადოებაში და პირად ცხოვრებაში. ის ბუდიზმის, კონფუციანიზმისა და შინტოიზმის გავლენით ჩამოყალიბდა და დიდი მნიშვნელობა ენიჭებოდა ღირსებას, ერთგულებასა და თავგანწირვას.

ბუშიდოს კოდექსის მთავარი ფასეულობები შვიდი ძირითადი პრინციპის გარშემო იყო ორგანიზებული:

義 (Gi) – სამართლიანობა და სიმართლის სიყვარული. სამურაი უნდა ყოფილიყო გაბედული და სამართლიანი.გადაწყვეტილებები უნდა მიეღო ღირსებისა და სამართლიანობის გათვალისწინებით.

勇 (Yū) – სიმამაცე. სიკვდილის შიში არ უნდა ჰქონოდა. სიმამაცე უნდა გამოეჩინა არა მხოლოდ ბრძოლაში, არამედ ყოველდღიურ ცხოვრებაშიც.

仁 (Jin) – თანაგრძნობა და სიკეთე. მიუხედავად იმისა, რომ სამურაი მეომარი იყო, უნდა ეცადა სიბრაზისა და აგრესიის კონტროლი. თუ შეიძლებოდა, მტერსაც კი უნდა მოეპყრობოდა ღირსეულად.

礼 (Rei) – თავაზიანობა და პატივისცემა. სამურაი არ უნდა ყოფილიყო გაუზრდელი და ამპარტავანი. პატივს სცემდნენ უფროსებს, მასწავლებლებს, მოწინააღმდეგეებსაც კი.

诚 (Makoto) – პატიოსნება და სიტყვის ერთგულება. სიტყვას დიდი ძალა ჰქონდა. სამურაისთვის გატეხილი დაპირება იგივე იყო, რაც ღირსების დაკარგვა.

名誉 (Meiyo) – ღირსება. სამურაისთვის ღირსება ყველაზე მნიშვნელოვანი იყო.

თუ ღირსება შეელახებოდა, ბევრს არჩევანი ჰქონდა სეპუკუზე (hara-kiri, თვითმკვლელობა პატივის დასაბრუნებლად).

忠义 (Chūgi) – ერთგულება. სამურაი ერთგული უნდა ყოფილიყო თავის სენიორის (ბატონის) მიმართ. ამ ერთგულებისთვის შეეძლო თავი გაეწირა.

ბუშიდო მხოლოდ სამურაებისთვის არ იყო. საუკუნეების განმავლობაში მან გავლენა მოახდინა იაპონური კულტურის ყველა ასპექტზე, განსაკუთრებით: სამხედრო ხელოვნებაზე (კარატე, ძიუდო, კენდო), მუშაობის ეთიკაზე (იაპონური შრომისმოყვარეობა და დისციპლინა), ბიზნეს კულტურაზე (ერთგულება კომპანიებისა და პარტნიორების მიმართ).

1868 წელს მეიჯის რეფორმების დროს სამურაების კლასი გაუქმდა, მაგრამ ბუშიდოს ფასეულობები მაინც დარჩა. მე-20 საუკუნეში იაპონელი ჯარისკაცები ბუშიდოს კოდექსს იყენებდნენ მეორე მსოფლიო ომის დროს, რაც ზოგჯერ უკიდურესობაშიც გადადიოდა (მაგალითად, კამიკაძეების ფენომენი).

თანამედროვე იაპონიაში ბუშიდო მშვიდობიანი გზით არის ინტეგრირებული – მას იყენებენ ბიზნესში, სპორტში და ცხოვრების ფილოსოფიაში.

დღეს ბუშიდოს პრინციპები გავრცელებულია არა მხოლოდ იაპონიაში, არამედ მთელ მსოფლიოში. მისი გავლენა იგრძნობა: სპორტში (მებრძოლები, რომლებიც იცავენ ღირსების კოდექსს, მაგალითად, MMA-სა და ჯუდოში), ბიზნესში (იაპონური კორპორაციების ეთიკა და ერთგულება), პიროვნულ განვითარებაში (დაცული სიტყვა, სიმამაცე, ღირსება)

--------------------------------------