ჟურნალისტი და გაზეთ "ქრონიკა+"–ის მთავარი რედაქტორი ელისო კილაძე პროევროპულ აქციაზე დაშავებული 21 წლის მოქალაქის, ალექსი თირქიას ჯანმრთელობის შესახებ სასიხარულო ინფორმაციას ავრცელებს და წერს:

"დილა იწყება კარგი ამბით:

აქციაზე დაშავებული ალექს თირქია კომიდან გამოვიდა და დღეს ინტენსიურ პალატაში გადაიყვანენ

რეაბილიტაცია დაჭირდება, მაგრამ ღმერთმა დაგვიფარა, გადარჩა!"- ვკითხულობთ ელისო კილაძის პოსტში.

შეგახსენებთ, რომ 3 დეკემბერს, გამთენიისას, თბილისში საპროტესტო აქციის დაშლისას 21 წლის აქციის მონაწილეს, ალექსი თირქიას სპეცრაზმელებმა თვალში გაზის კაფსულა მოარტყეს, დაზარალებული ინგოროყვას კლინიკაში იქნა გადაყვანილი, სადაც ოპერაცია მთელი ღამის განმავლობაში უტარდებოდა.