დღეს, დილიდან სოფელ ლაფანყურის გავლით ლოპოტას ხეობისკენ სამხედრო მანქანების შესვლა გაგრძელდა. არსებული ინფორმაციით, ამ დროისთვის შინაგან საქმეთა მინისტრი ბაჩო ახალაია და სამინისტროს წარმომადგენლები ხეობაში იმყოფებიან. ლაფანყურის რწმუნებულის განცხადებით, დაღესტნის საზღვართან შეიარაღებული ჯგუფი შენიშნეს და ამ დრომდე მათი დევნის ოპერაცია მიმდინარეობს. მისივე თქმით, სოფლიდან დაკარგული ბიჭები ოჯახებს მალე დაუბრუნდებიან.