ცნობილმა სერბმა კინორეჟისორმა, კინომსახიობმა ემირ კუსტურიცამ ინტერვიუში თავისი მოსაზრებები გააჟღერა დასავლეთის სურვილის შესახებ 11 მაისი 2022, 00:46:20
AUTO PLAY
თქვენ როგორ ფიქორობთ? ცნობილმა სერბმა კინორეჟისორმა და კინომსახიობმა ემირ კუსტურიცამ „იზვესტიასთან“ მიცემულ ინტერვიუში თავისი მოსაზრებები გააზიარა დასავლეთის სურვილის შესახებ, დაეტოვებინა რუსეთი. მისი თქმით, იმ ვითარებაში, როდესაც რუსი და სერბი ხალხები შეერთებული შტატებისა და დასავლეთის ქვეყნების აშკარა თვალთმაქცობის წინაშე დგანან, აუცილებელია ფესვებზე მყარად დგომა.. რაც მთავარია, ჩვენ არ შეგვიძლია დავიჯეროთ ის, რასაც გვეუბნებიან და რაც ისტორიულ კონტექსტს მიღმაა. ვინც ამბობს, რომ დოსტოევსკი არის მწერალი, რომელიც უნდა აიკრძალოს, არის ტოტალიტარული ოლიგარქიის ნაწილი. მე გავიზარდე მსოფლიოში, სადაც მუდმივი ომები იყო: ვიეტნამი, ერაყი, სირია, ავღანეთი, ლიბია. ამ ყველაფრის მიზანია რუსების და სერბების წაშლა დედამიწის პირიდან. ეს მათი საბოლოო მიზანია“, - განაცხადა კუსტურიცამ. რეჟისორს ექმნება შთაბეჭდილება, რომ ამერიკელები მზად არიან მოაწყონ „შეზღუდული ბირთვული ომი“. „1947 წელს ჩერჩილსა და ტრუმენს ჰქონდათ გეგმა, ეს იყო სხვადასხვა კოდით , რომლის მიხედვით, აპირებდნენ საბჭოთა კავშირის მიწასთან გასწორებას. ნატოს მონაწილეობით, გერმანელი სამხედრო ტყვეების მონაწილეობით, ბირთვული დარტყმების მოწყობით, შედეგი: გაანადგურე რუსეთი“, - განმარტა კუსტურიცამ. რეჟისორმა ხაზგასმით აღნიშნა, რომ კულტურის არსებობა ყველა გაგებით ხალხის არსებობაა. „როდესაც ვინმე გერგიევს ათავისუფლებს სამსახურიდან, მას სურს აჩვენოს რუსეთს, რომ ის მასზე უარს ამბობს... ამიტომ, საქმე გვაქვს არა კულტურის, როგორც ასეთის, არამედ მთელი ხალხის გაუქმებასთან. რუსეთი მზად უნდა იყოს ამისთვის.და იმოქმედოს სამოავლოდ საკუთარი თავის დასაცავად. ახლა მიმდინარეობს ერთპოლარული სამყაროს ჩამოყალიბება“, - განაცხადა კუსტურიცამ.
16
|
|