სატყეო სპეციალობის 26 კურსდამთავრებული ახალგაზრდა ახმეტასა და დედოფლისწყაროში ტყის ინვენტარიზაციის სამუშაოებზე დასაქმდება. ეროვნული სატყეო სააგენტოს ინფორმაციით, ქვეყანაში ტყის ინვენტარიზაციის განხორციელებისათვის საჭირო კვალიფიციური კადრის სიმცირეა, ამიტომ გასულ წელს ეროვნული სატყეო სააგენტოს მიერ მეტყევე-ტაქსატორების გადამზადების სამთვიანი თეორიული და პრაქტიკული კურსი მომზადდა. სააგენტოს სპეციალისტების მიერ გადამზადდა 15 ახალგაზრდა მეტყევე, რომლებიც ლაგოდეხში დასაქმდნენ. წელს კი გადამზადების მსურველთა რაოდენობა თითქმის გაორმაგდა.