ქართული მედიის ახალგაზრდა ვარსკვლავი, რომელიც წავიდა და რომელიც მთელმა ქვეყანამ დაიტირა. ჩვენს შორის ის ყველაზე განსაკუთრებული და გამორჩეული იყო... ასაკით პატარა, დიდი ადამიანი... ადამიანი, რომელიც ყველასი იყო... ადამიანი, რომელიც ყველასთვის იყო. ღირსეული, ნიჭიერი, პროფესიონალი, უშიშარი, ჩვენი ერთგული და საუკეთესო მეგობარი, საიმედო და საამაყო კოლეგა... დღეს საღამოს 20:00 საათზე, ჩვენ შევეცდებით დავსხდეთ და მოგიყვეთ ამბები ახალგაზრდა ჟურნალისტზე... ჯაკოს მეგობრები, კოლეგები, რესპონდენტები დღეს ერთ სტუდიაში ვიკრიბებით. TV პირველის ცხოვრება ვეღარასოდეს იქნება ისეთი, როგორიც ლევანთან ერთად იყო, მაგრამ ჩვენ უნდა გავაგრძელოთ და 9 დღიანი პაუზის შემდეგ, ეთერში სწორედ მასთან ერთად ვბრუნდებით. დღეს, საღამოს 20:00 საათზე, TV პირველის ჯაკო - ჩვენი ლევან ჩხაიძე