ინციდენტი გერმანიაში გამართული ერთ-ერთი საცირკო წარმოდგენის დროს მოხდა. საცირკო ნომერს სამი სპილო ასრულებდა, რა დროსაც სპილოებმა იჩხუბეს და სცენიდან ერთ-ერთი სპილო დარბაზში, მაყურებელთან გადავარდა. შეშინებული მაყურებელი დარბაზიდან გაიქცა, თუმცა მოგვიანებით, როცა მწვრთნელმა ცხოველები დაამშვიდა, ისინი დარბაზში დაბრუნდნენ და წარმოდგენაც გაგრძელდა.

სპილოს დაცემისგან ერთ-ერთი მაყურებელი დაშავდა. დაზარალდა თავად ცხოველიც. მან ფეხი იღრძო.

ინციდენტს ცხოველთა უფლებადამცველები გამოეხმაურნენ. ისინი ამბობენ, რომ ცირკში ცხოველები 18-20 საათი ვოლიერებში ჰყავთ გამომწყვდეულები და ეს მათ გაღიზიანებას იწვევს. ცირკის დირექტორი კი ამბობს, რომ სპილოების ჩხუბი ჯგუფში ლიდერობის მოპოვების სურვილმა გამოიწვია და ეს ნორმალურია.