სოჭში მიმდინარე "ახალ ტალღაზე" მეორე საკონკურსო დღე გაიმართა, სადაც მონაწილეებმა დუეტში იმღერეს ცნობილ მომღერლებთან ერთად. გიორგი ნადიბაიძემ ქეთა თოფურიასთან ერთად სიმღერა Она не твоя შეასრულა და ჟიურის წევრებისგან 141 (11, 10, 11, 11, 11, 11, 11, 11, 10, 11, 11, 11, 11) ქულა მიიღო. გიორგიმ ჯამში 280 ქულა დააგროვა. ამ შედეგით მეოთხე ადგილს იკავებს. პირველ ადგილზე კვლავ უკრაინელი გალინა ბეზრუკია 286 ქულით, მეორეზე - იტალიელი ვოლტერ რიჩი 283 ქულით, მესამეზე კი ხორვატი დინო 282 ქულით. თუ ვინ გახდება "ახალი ტალღის" გამარჯვებული, ეს 8 სექტემბერს გახდება ცნობილი, როდესაც მონაწილეები სპეციალურად კონკურსისთვის დაწერილი სიმღერით წარდგებიან ჟიურის წინაშე.