პარტია ცენტრისტების ლიდერი ვლადიმერ ბედუკაძე ამბობს, რომ მისთვის მხოლოდ ორი ადამიანის აზრია მნიშვნელოვანი, ყოფილი პრემიერის ბიძინა ივანიშვილისა და საქართველოს პატრიარქის ილია მეორის.

ბედუკაძე პოლიტიკურ პარტიებს მიმართავს და ამბობს, რომ მოღალატეები სწორედ ისინი არიან.

"მინდა გავაფრთხილო რესპუბლიკური პარტია და სხვა პარტიები ცეცხლს ეთამაშებით, თქვენ ხართ სამშობლოს მოღალატეები სამშობლოს მტრები. ერთადერთი ვის შეხედულებასაც ვის პოზიციასაც გავითვალისწინებ, ეს იქნება ბიძინა ივანიშვილი. ერთადერთი ვისაც მე დავეკითხები აზრს, ეს იქნება საქართველოს უწმინდესი და უნეტარესი ილია მეორე. დანარჩენები ჩემთვის პირადად არარაობები ხართ, ჩარეცხილი სააკაშვილის ხელისუფლების მიერ,"- აცხადებს ბედუკაძე.