გამოგონება სოფელ ველისციხეში. 24 წლის, პროფესიით ხელოსანმა გიორგი სულხანიშვილმა საკუთარი ხელით მინი-ავტომობილი ააწყო. ძველი სტილის მოდელის, ავტომატიკაზე მომუშავე მანქანის გაკეთება 1000 ლარამდე დაუჯდა, ახლა კი, გაყიდვის შემთხვევაში, 3 ათას დოლარს სთავაზობენ. გიორგი სულხანიშვილმა ავტომობილების აწყობა 12 წლის ასაკიდან დაიწყო. მან ნორჩ მეცნიერთა და გამომგონებელთა კონკურსშიც გაიმარჯვა. სამომავლოდ გეგმავს, რომ ჩვეულებრივი ავტომობილების გაკეთებაც სცადოს. მისი ოცნებაა, ავტომობილების მწარმოებელ კომპანიაში დასაქმდეს და მანქანების აწყობის შესაძლებლობა მიეცეს, თუმცა ამჟამად უმუშევარია.