სოციალურ ქსელებში ვრცელდება ამაღელვებელი ვიდეო, რომელშიც ჩანს, თუ როგორ ანუგეშებს საფრანგეთის გულშემატკივარს პორტუგალიის პატარა ფანი.

„ევრო 2016“-ის გამარჯვებული პორტუგალია გახდა. პორტუგალიამ ევროპის ჩემპიონობა ისტორიაში პირველად მოიპოვა. ფინალურ თამაშში პორტუგალიისა და საფრანგეთის ნაკრები გუნდები ხვდებოდნენ ერთმანეთს. თამაშის ძირითადი დრო ფრედ - 0:0 დასრულდა.

დამატებით დროში, მეორე დამატებით ტაიმში პორტუგალიის საფეხბურთო ნაკრებმა მოწინააღმდეგის კარში გოლი გაიტანა, რამაც თამაშის ბედი გადაწყვიტა. გამარჯვების გოლი ედერმა გაიტანა. საბოლოოდ, დაფიქსირდა ანგარიში 1:0, პორტუგალიის სასარგებლოდ.