არგენტინელი მორაგბე, რომელმაც თამაშის დროს მეტოქეს სახეში წიხლი განზრახ ამოსცხო, 99-წლიანი დისკვალიფიკაციით დასაჯეს. გუნდ "პუკარას" მოთამაშე კიპრიანო მარტინესის დასჯის გადაწყვეტილება ქვეყნის რაგბის ფედერაციამ მიიღო.

მარტინესის არასპორტული საქციელი კამერამ ნათლად აღბეჭდა, თუმცა ინციდენტი მაშინვე არც მატჩის მსაჯს გამოჰპარვია, რომელმაც მორაგბე უმალ გააძევა მოედნიდან.

თამაშის შემდეგ კლუბმა "პუკარამ" მეტოქე "სან-ალბანოს" თავისი მორაგბის ქმედების გამო ბოდიში მოუხადა.