მზე, რუჯი, გართობა და დასვენება - ზაფხულის ცხელ დღეებში ეს ყველა ადამიანის ოცნებაა. თბილისში სიცხის მატებასთან ერთად თბილისის ზღვაზე და ლისის ტბაზე იმ დამსვენებელთა რაოდენობამაც იმატა, ვინც ჯერ კიდევ ვერ მოახერხა ქალაქგარეთ გასვლა, ისინი გაგრილებასა და დასვენებას თბილისში მაინც ახერხებენ. დამსვენებლები ამბობენ, რომ საზღვაო კურორტებთან შედარებით ხარჯი მინიმალურია. თბილისის ზღვის დამსვენებლები უკმაყოფილებას დაბინძურებული წყლის გამო გამოთქვამენ.