ის, რომ ქართველ ქალებს, შესაძლებლობების მიუხედავად, გემოვნებიანად აცვიათ, ქუჩაში გამვლელებზე თვალის ერთი შევლებითაც მიხვდებით. ქართული Street fashion ბოლო წლების განმავლობაში ბევრად თამამი და ჭრელი გახდა - მინიკაბები, ფერადი აქსესუარები, შუზები, სპორტული ფეხსაცმელი. წელს აქტუალობას არც ჯინსები და კედები კარგავს. როგორ აცვიათ, სად იმოსებიან, რა ბრენდებს ანიჭებენ უპირატესობას და რა თანხა უჯდებათ ჩაცმა - „ინფო 9" რამდენიმე დღის განმავლობაში თბილისელ გოგოებს ქუჩაში აკვირდებოდა და საინტერესო ინფორმაცია შეაგროვა.