ბათუმში წერეთლისა და ბაქოს ქუჩების კუთხეში ჯიპის ტიპის ავტომანქანა მოულოდნელად, ხალხით სავსე ტროტუარზე ავარდა. ავტოავარიის შედეგად სამი ქალბატონი დაშავდა.
მომხდარ ფაქტს ადასტურებს შსს, როგორც ,,ნიუპოსტს“ შს სამინისტროს პრესსამსახურში განუცხადეს, გამოძიება მიმდინარეობს სისხლის სამართლის კოდექსის 276-ე მუხლის პირველი ნაწილით. უწყების განმარტებით, მძღოლი ადგილიდან არ მიმალულა. რაც შეეხება მოქალაქეებს, სამმა მათგანმა მსუბუქი სახის დაზიანება მიიღო და ისინი ბათუმის რესპუბლიკურ საავადმყოფოში არიან გადაყვანილი.