ცნობილმა ამერიკელმა სპორტსმენმა, რეალითი-შოუების ვარსკვლავმა ბრიუს ჯენერმა სქესის შეცვლის ოპერაცია გაიკეთა, რის შემდეგაც ქეითლინი დაირქვა. ახლა ის ახალი რეალითი-შოუს ვარსკვლავია, სადაც კარდაშიანების მამინაცვალი ქალად ტრანსფორმაციის შემდეგ ახალი ცხოვრების ყველა დეტალს ამჟღავნებს.

ქეითლინი საზოგადოებაში დახვეწილი კაბებით, მაკიაჟითა და ვარცხნილობით ყოველდღიურად ჩნდება, მაგრამ საცურაო კოსტიუმის ჩაცმა ჯენერმა მხოლოდ ახლა გაბედა. "სქესის შეცვლის ოპერაციის შემდეგ საცურაო კოსტიუმის ჩაცმა დიდი გამოწვევაა", - აღიარა მსოფლიოში ყველაზე ცნობილმა ტრანსგენდერმა ვარსკვლავმა საკუთარი რეალითი-შოუს, I Am Cait-ის ეთერში. ამ შოუში ქეითლინ ჯენერი თაყვანისმცემლებს ქალად გადაქცევის საკუთარ გამოცდილებაზე უყვება.