გიგანტურ პიტბულ "ჰალკს" ლეკვები გაუჩნდა 29 ივლისი 2015, 11:30:48
AUTO PLAY
გახსოვთ ჰალკი - ყველაზე დიდი პიტბული მსოფლიოში? იგი კარგად გაწვრთნილი და პროფესიულად მომზადებული ძაღლია, რომელიც თავისი პატრონის ყველა ბრძანებას ასრულებს და საჭიროების შემთხვევაში მზად არის ისინი სიცოცხლის ფასადაც დაიცვას. ცოტა ხნის წინ ჰალკი "ბედნიერი მამა" გახდა: მას 8 უსაყვარლესი ლეკვი გაუჩნდა. ჰალკის პატრონები ნიუ-ჰემპშირელი (აშშ) მარლონი და ლიზა რენნანები არიან. "მათი მამა ნამდვილი ლეგენდაა, - სიამაყით ამბობენ მარლონი და ლიზა, - ამიტომ მათ ლეკვებსაც აქვთ უდიდესი პოტენციალი, რომ მამის კვალს გაჰყვნენ და არანაკლები პოპულარობა მოიპოვონ. ლეკვების უმეტესობა უკვე გაყიდულია - აი რას ნიშნავს კარგი შთამომავლობა". ერთი ლეკვის ღირებულება 55 000$-ია. ჰალკი ნაზი გიგანტია და ძალიან კარგი მამა. მას შეუძლია საათობით იწვეს და ეფეროს თავის ლეკვებს. ჰალკმა დაუმტკიცა მსოფლიოს, რომ ასეთი უზარმაზარი ძაღლიც კი, იმ შემთხვევაში, თუ მას კარგად აზღრდით და ასწავლით, შეიძლება ყველაზე საუკეთესო შინაურ ძაღლად იქცეს". "ჩვენი შვილი ჯორდანი არც ერთ ჩვენს ძაღლს არასოდეს დაუკბენია და ჩვენ არ ვუშვებთ აზრსაც კი, რომ ასეთი რამ ოდესმე შეიძლება მოხდეს, - ამბობენ მშობლები, - ის 100%-ით უსაფრთხოდაა, როდესაც მათთან ურთიერთობს".
1
|
|