ბელორუსული კლუბის, "სლუცკის" ფეხბურთელმა სერგეი ლევიცკიმ გროდნოს "ნემანის" კარში გატანილი გოლის აღნიშვნა ორიგინალურად გადაწყვიტა.

ლევიცკიმ გოლის გატანის შემდეგ "სლუცკის" ერთ-ერთ მწვრთნელს ბეჭედი გამოართვა და ტრიბუნასთან მიირბინა, სადაც მისი მეგობარი გოგონა იჯდა. ფეხბურთელმა მუხლი მოიდრიკა და შეყვარებულს ხელი სთხოვა. რა უპასუხა გოგონამ, უცნობია.

"ნემანისა" და "სლუცკის" შეხვედრა 28 ივნისს გაიმართა."სლუცკიმ" ანგარიშით 4:0 გაიმარჯვა.