შსს-ს თანამშრომლებმა, პროსტიტუციისთვის ადგილის გადაცემის ბრალდებით, ხუთი პირი დააკავეს. სამართალდამცველებმა თბილისში მდებარე სასტუმროების -„საბუდარასა“ და „ვიზას“ დირექტორი და ადმინისტრატორებიდააკავეს.

გამოძიებამ დაადგინა, რომ ბრალდებულები გარკვეული პერიოდის განმავლობაში, გასამრჯელოს სანაცვლოდ, ქალბატონებს პროსტიტუციისთვის ფართს უთმობდნენ. სამართალდამცველებმა სასტუმროებში მომუშავე ქალბატონები მოწმის სახით დაკითხეს.