რუსეთში მუსიკალური შოუ Главная сцена-ს (X Factor-ის რუსული ანალოგი) ნახევარფინალი გაიმართა, სადაც მაყურებლის წინაშე ვიქტორ დრობიშის და მაქს ფადეევის ხუთეული წარსდგა. დრობიშმა ნანა არახამიას ნატალია ორეიროს სიმღერა Cambio Dolor შეურჩია, რომელიც ცნობილი სერიალის “ველური ანგელოზის” საუნდტრეკი იყო. ნანა არაჩვეულებრივად გამოიყურებოდა და მამაკაცებით დაკომპლექტებულ ჟიურის მის დანახვაზე სახეები უბრწყინავდა. თუმცა, სიმღერის დასრულების შემდეგ, რამდენიმე მათგანმა კონკურსანტი კრიტიკულად შეაფასა.დრობიშს სამი ფინალისტი უნდა აერჩია, რომელთა შორის ნანა ვერ აღმოჩნდა და ის პროექტს გამოეთიშა.