უცხოური მედიის ინფორმაციით, Microsoft-ის დამფუძნებელმა ბილ გეიტსმა პროექტზე Omniprocessor ისაუბრა, რომლის მიხედვითაც, ადამიანის ფეკალიებისგან სუფთა სასმელი წყლის დამზადებაა შესაძლებელი.

საუბარია უზარმაზარ ხელსაწყოზე, რომელიც ფეკალიებს სუფთა სასმელად გადაამუშავებს და ამასთან, ელექტროენერგიის წყაროს შექმნის. პროექტს გეიტსი, კომპანია Janicki Bioenergy-სთან ერთად აფინანსებს.

ახალი ტექნოლოგიის ტესტირების დროს, მან კამერების წინ, ფეკალიებიდან აორთქლებული წყალი დალია. თუ გეიტსის ჩანაფიქრი გაამართლებს, იმ ადამიანების ცხოვრება, რომლებსაც სუფთა სასმელი წყალი არ ჰყოფნით, მნიშვნელოვნად გაუმჯობესდება.