ტელეკომპანია „კავკასიის“ ეთერში, გადაცემა „აქუს აკადემიაში“ პირდაპირ ეთერში ღვინო შესვეს, რითიც საქართველოს ყოფილი პრეზიდენტი, ედუარდ შევარდნაძე მოიგონეს. საქართველოს პარლამენტის ყოფილმა ვიცე-სპიკერმა, ვახტანგ რჩეულიშვილმა ტელეკომპანიაში სახლში დაწურული ღვინო და შოთის პური მიიტანა. მან გადაცემის მსვლელობისას წამყვანთან და მეორე სტუმართან, პეტრე მამრაძესთან ერთად შევარდნაძე გაიხსენა და მისი შესანდობარი შესვა.
„რატომ არ შეიძლება ედუარდ შევარდნაძის მოსაგონარი დავლიოთ? ღირსია ის კაცი ნამდვილად. დიდი ქართველი იყო. უმტრო კაცი უვარგისი კაცია, მითუმეტეს, უმტრო ლიდერი საერთოდ არ წარმომიდგენია…ნათელში იყოს ედუარდ შევარდნაძე“, – აღნიშნა რჩეულიშვილმა.