7 ივლისს ტელეკომპანია "რუსთავი 2"-ის ეთერში ქართული "X ფაქტორის" ფინალი გაიმართა. თოქ-შოუს პირველი ნაწილი ქართულ სიმღერებს დაეთმო. კონკურსანტებს ქართული ჰიტები საკუთარი ინტერპრეტაციით უნდა შეესრულებინათ. გამორჩეული იყო თორნიკე ყიფიანი, რომელმაც "საქართველო, ლამაზო" ექსპრესიულად შეასრულა. მისმა ნამღერმა არა მარტო ჟიური, არამედ დარბაზიც აღაფრთოვანა, მაყურებელი ყიფოს ფეხზე წამოუდგა.