ბევრ ადამიანს პანიკურად ეშინია ლიფტის და მაღალსართულიან შენობებშიც კი კიბეზე ფეხით ასვლას ამჯობინებს. აი, ეს მამაკაცი კი, ალბათ, აღარასოდეს ჩაჯდება ლიფტში.

ჩილეს ქალაქ პროვიდენსში 30 წლის ხოსე ვერგარა აჩევედო ლიფტში შევიდა, იქიდან კი უგონო მდგომარეობაში გამოიყვანეს. საქმე იმაშია, რომ როცა მგზავრმა სასურველ ღილაკს ხელი მიაჭირა, ლიფტი ელვის უსწრაფესად მოსწყდა ადგილს, ისე, რომ კარი არც დახურულა. ლიფტი ჯერჯერობით უცნობი მიზეზით მოიშალა, 80 კმ/სთ სიჩქარე განავითარა და 31 სართული 15 წამში დიდი სისწრაფით გაიარა. ხოსე ვერგარამ, შემთხვევის შედეგად, თავისა და ფეხის სერიოზული დაზიანებები მიიღო.