2 მარტს ლოს ანჯელესში Dolby Theatre-ში, კინოსამყაროში წლის მთავარი მოვლენა - "ოსკარის" დაჯილდოების ცერემონიალი გაიმართა. წელსაც განსაკუთრებული ყურადღების ცენტრში მოექცა ოსკაროსანი მსახიობი ჯენიფერ ლოურენსი, რომელმაც მანქანიდან გადმოსვლისას, შემთხვევით მის წინ მიმავალ ქალს კაბაზე დააბიჯა ფეხი და წაიქცა. ეს უხერხული ინციდენტი პირველი შემთხვევა არაა ახალგაზრდა მსახიობისთვის: გასულ წელს, როცა ლოურენსი ქალის როლის საუკეთესო შესრულებისთვის "ოსკარით" დააჯილდოვეს, სცენისკენ მიმავალი საკუთარ კაბაში გაიხლართა და კიბეებზე წაიქცა.

23 წლის ლოურენსს, რომელსაც პოპულარობა "შიმშილის თამაშებში" შესრულებულმა მთავარმა როლმა მოუტანა, 2014 "ოსკარის" წითელ ხალიჩაზე დიორის კაბა და ბრიან ატვუდის ფეხსაცმელები ემოსა.