საქართველო სპორტის ისტორიაში ერთ-ერთ ყველაზე მასშტაბურ და უნიკალურ ღონისძიებას - Wings for life world run-ს შეუერთდა. ღონისძიების ერთ-ერთი პარტნიორია "პალიტრა მედია".

Wings for life world run 4 მაისს, საქართველოს დროით 14:00 საათზე, 5 კონტინენტის 40 სხვადასხვა ქვეყანაში დაიწყება, მათ შორის, საქართველოში. 100 000 მორბენალი ერთდროულად დაიწყებს სირბილს. საქართველოში მარათონი კახეთში, ლოპოტას გადასახვევიდან კავკასიონის ქედის გაყოლებით გაიმართება.

მარათონში მონაწილეობის მიღება ნებისმიერ მსურველს შეუძლია (ასაკი 18+). დარეგისტრირება ხდება მარათონის ოფიციალურ საიტზე და მონაწილეობის საფასურია 20 ლარი.

ღონისძიებიდან შემოსული სრული თანხა Wings for life-ის ფონდს გადაეცემა, ზურგის ტვინის დაზიანების სამკურნალოდ.